ДАДЛАГАА АМЖИЛТТАЙ ХИЙСЭН ЗАЛУУЧУУД АЖИЛДАА ОРЛОО

Залуучуудыг хөдөлмөрт бэлтгэх “ОРОЛЦОО” төслийн эхний 4 ээлжийн сургалтад хамрагдсан залуучуудаас 30 залуу Долоон болдог ХХК буюу Үндэсний тавилга үйлдвэрлэгч Kitchen all-д ажил мэргэжлийн чиг баримжаа олгох 14 хоногийн үйлдвэрлэлийн дадлагаа амжилттай хийж дуусгалаа. Тэдний 17 нь тус компанид үргэлжлүүлэн ажиллахаар хөдөлмөрийн гэрээ хийн байнгын ажилтай болжээ.  

Сургалтад хамрагдсан залуучууд ажилсаг, хувь хүний төлөвшилт хүмүүжил сайтай, сахилга баттай, нээлттэй хамт олонч, багаар ажиллах чадвартай, аливаад эерэгээр хандаж байгаад Долоон болдог ХХХ-ийн удирдлагууд баяртай байгаагаа илэрхийлсэн юм.

Тус компанийн зүгээс эхний дөрвөн ээлжийн сургалтын үеэр “ОРОЛЦОО” төслийн залуучуудын Үйлдвэрлэлийн үйл ажиллагаатай танилцах бизнес аяллыг зохион байгуулж 90 оролцогч хамруулсан байна.


Хэвлэх Share