“Дэлхийн ур чадварын тэмцээн 2017”–д оролцох Монголын багийн эксперт багшийн сонгон шалгаруулалт

Дэлхийн ур чадварын 44 дэх удаагийн тэмцээн 2017 оны 10-р сарын 14-19-ны өдрүүдэд Арабын нэгдсэн Имерат улсын Абу Даби хотод зохион байгуулагдана. Уг тэмцээнд нийт 76 орны төлөөлөгчид 50 мэргэжлийн чиглэлээр өрсөлдөхөөр бэлтгэл ажлаа эхлүүлж алба ёсны бүртгэл хийлгэсэн байна.

 

Монгол улс тус тэмцээнд гагнуур, барилгын өрөг-угсралт, барилгын цахилгаан, мужаан, сантехник, тогооч гэсэн 6 мэргэжлийн чиглэлээр оролцохоор бүртгүүлсэн бөгөөд тэмцээний оролцогчдыг дадлагажуулан  мэргэжлийн бэлтгэлийг хангах болон улсаа төлөөлж дэлхийн ур чадварын тэмцээний тодорхой мэргэжлийн  шүүгч хийх доорхи шаардлагыг хангасан мэргэжилтэн, багшийг МБС-ын байгууллага, мэргэжлийн холбоодоос нэр дэвшүүлэн сонгон шалгаруулалтад оролцуулахыг урьж байна. Үүнд:

 

- Тухайн мэргэжлийн чиглэлээр өндөр ур чадвар, үйлдвэрлэлийн ажлын туршлагатай

- Үндэсний болон бүс нутгийн салбар зөвлөл, мэргэжлийн холбоо болон МБС-ын байгууллагаар хүлээн зөвшөөрөгдсөн, техникийн чадамжтай эксперт мөн хэмээн үнэлүүлсэн байх

- Үндэсний болон бүс нутгийн мэргэжлийн тэмцээнүүдэд хүлээн зөвшөөрөгдсөн, хамтран зохион байгуулж, шүүгч хийж байсан

- Дэлхийн ур чадвар тэмцээний оролцогчийг бэлтгэж байсан бол давуу тал болно.

- Харилцааны өндөр ур чадвартай, хүүхэдтэй харилцах ур чадвар эзэмшсэн

- Багаар ажиллах чадвартай

- Компьютер, интернет ашиглах чадвартай

- Англи хэлний өндөр мэдлэгтэй

 

Сонирхсон хүмүүс 1-р маягтын дагуу анкетаа бөглөн сургууль болон мэргэжлийн холбоодод бүртгүүлнэ. Сургуулийн багш нарын бүртгэлийг ХХҮЕГ, аж ахуйн нэгжийн мэргэжилтнүүдийн бүртгэлийг холбоод хариуцна. Сонгон шалгаруулалтын зарыг 2016 оны 12 сарын 13-21-ны хооронд явуулж эцсийн сонголтыг 2016 оны 12 сарын 22-ны өдөр Мэргэжлийн холбоодын оролцоотойгоор ХНХЯ хийнэ.

 

Монгол Улсын Хөдөлмөр, нийгмийн хамгааллын яам


Хэвлэх Share