Эцэг, эхчүүдэд цалинтай чөлөө олгохоор шийдвэрлэлээ

Хүйтний эрч чангарч, бага насны хүүхдүүд томуу, томуу төст өвчнөөр өвчлөх нь нэмэгдэж байна. Үүнтэй холбогдуулан Томуу төст өвчний дэгдэлтийн үед 5 хүртэлх насны хүүхдээ асарч, сахисан ажил хөдөлмөр эрхэлдэг эх, эцэг, асран хамгаалагчид цалинтай чөлөө олгохоор Засгийн газрын хуралдаанаар шийдвэрлэлээ. Мөн ханиад томууны дэгдэлт их үед нэн шаардлагатай байгаа нэр бүхий эмнүүдийн үнийг 100 хувь хөнгөлж олгох асуудлыг энэ долоо хоногтоо багтаж Нийгмийн даатгалын үндэсний зөвлөлөөр хэлэлцүүлж шийдвэрлүүлнэ. Уг зөвлөлийн хурлыг ХНХ-ын сайд Н.Номтойбаяр удирдаж явуулна. Цалинтай чөлөө олгох асуудлыг 2017 оны 1 дүгээр сарын 2-ны өдрөөс 3 дугаар сарын 01-ний өдөр хүртэлх хугацаанд хэрэгжүүлнэ. Эмнэлгийн магадлагаагаа авч ирээд цалингаа бүтнээр нь тооцуулах боломжтой болж байна.

 

Монгол улсын засгийн газрын тогтоолыг ЭНД ДАРЖ ХАРНА УУ

 


Хэвлэх Share