БНСУ-Д ХӨДӨЛМӨРИЙН ГЭРЭЭГЭЭР АЖИЛЛАХ ИРГЭДЭД ОЛГОГДДОГ Е-9 АНГИЛЛЫН ЦАХИМ ВИЗИЙН ХҮЧИНТЭЙ ХУГАЦАА 3 САРААС 6 САР БОЛЖ СУНГАГДЛАА

Хөдөлмөр, халамжийн үйлчилгээний ерөнхий газар нь Монгол Улсын Хөдөлмөр, нийгмийн хамгааллын яам болон Бүгд Найрамдах Солонгос Улсын Хөдөлмөр эрхлэлт, хөдөлмөрийн яамд хоорондын хөдөлмөр эрхлэх зөвшөөрлийн тогтолцооны дагуу ажилтан илгээх болон хүлээн авах тухай харилцан ойлголцлын санамж бичгийн хүрээнд ажиллаж байгаа билээ.


БНСУ-ын Хөдөлмөр эрхлэлт, хөдөлмөрийн яам, Цагаачлалын алба хооронд зөвшилцөн 2020 оны 06 дугаар сарын 08-ны өдрөөс эхлэн дараагийн мэдэгдэл гарах хүртэлх хугацаанд цахим визийн хүчинтэй хугацааг 3 сараас 6 сар болгон өргөтгөж, мөн 2020 оны 02 дугаар сарын 01-ний өдрөөс 06 дугаар сарын 07-ны өдөр хооронд цахим виз олгогдсон (хөдөлмөрийн стандарт гэрээ одоог хүртэл хүчин төгөлдөр байгаа тохиолдолд) өдрөөс автоматаар 6 сараар сунгагдаж буй тухай БНСУ-ын Аж үйлдвэрийн хүний нөөцийн хэрэг эрхлэх газраас мэдэгдэв.


Иймд БНСУ-д Хөдөлмөрийн гэрээгээр ажиллах сонгон шалгаруулалтад тэнцэж, цахим визийн хариу ирсэн иргэдийн дараагийн алхмуудыг(Эрүүл мэндийн давтан үзлэг шинжилгээ, виз мэдүүлэг, явахын өмнөх сургалт г.м) ажиллах хүч илгээх үйл ажиллагаа хэвийн горимд шилжих хугацааг харгалзаж, цахим визийн хүчинтэй 6 сарын хугацааг аль болох гүйцэд ашиглах замаар хэрэгжүүлэх тул цахим визийн хариу ирсэн иргэд Та бүхнийг хүлээцтэй хандахыг хүсч байна.   


ГАДААДАД АЖИЛЛАХ ХҮЧ ГАРГАХ ХЭЛТЭС


Хэвлэх Share