Хаан банк халамжийн цахимжуулалтыг дэмжиж ажиллахаа илэрхийллээ

Манай улсын 268 мянган ахмад настан Хаан банкаар дамжуулан тэтгэврээ авдаг бөгөөд 89 хувь нь карттай. Тэдний 70 гаруй хувь нь картаа ашигладаг байна. Үүнээс гадна халамжийн тэтгэвэр авагч, Мэргэжлийн сургалт үйлдвэрлэлийн төв, политехник коллежийн оюутнуудын картыг үнэгүй олгожээ.

Мөн манай улсын нийт хүн амын 70-80 хувьд нь үйлчилдэг тус банк 2014 оноос банкны үйлчилгээгээ цахимжуулах стратеги боловсруулан нэвтрүүлжээ. Ингэснээр 2014 онд нийт гүйлгээний 80 хувийг теллер дээр гүйцэтгэдэг байсан бол өнөөдөр хоёр хувийг теллер, бусад үйлчилгээгээ цахимаар үзүүлдэг болсон байна.

Ehalamj нийгмийн халамжийн нэгдсэн системийг нэвтрүүлсэнтэй холбогдуулан байгууллагынхаа зүгээс халамжийн цахимжуулалтыг бүхий л талаар дэмжиж ажиллахаа илэрхийллээ. Мөн Хөдөлмөр, нийгмийн хамгааллын сайд А.Ариунзаяа иргэдийн санхүүгийн боловсролыг дээшлүүлэх тал дээр хамтын ажиллагаа чухал байгааг онцлов.


Хэвлэх Share