“Хөдөлмөр эрхлэлтийг дэмжих хөтөлбөрүүдийн үр дүн, цаашдын зорилт” сэдэвт зөвлөлдөх уулзалт боллоо

 

“Хөдөлмөр эрхлэлтийг дэмжих хөтөлбөрүүдийн үр дүн, цаашдын зорилт” сэдэвт зөвлөлдөх уулзалт боллоо
Уулзалтад ХНХЯ, ХХҮЕГ, Аймаг, нийслэл дүүргийн ХЭХ, ХЭА-ны дарга, хөтөлбөрийн ажлын хэсэг, Залуучуудын хөдөлмөр эрхлэлтийг дэмжих төсөл хэрэгжүүлэгч нэгж оролцлоо.
Энэ үеэр ХНХЯ-ны Хөдөлмөр эрхлэлтийн бодлогын хэрэгжилтийг зохицуулах газрын дарга Ц.Амартөгс “Үндсэн чиглэл, мөрийн хөтөлбөрийн зорилт-хөдөлмөр эрхлэлтийн бодлого, үйл ажиллагаа”-ны талаар мэдээлэл өгөв. Мөн Залуучуудын хөдөлмөр эрхлэлтийг дэмжих төслийн үндэсний зөвлөх М.Галсансар “Хөдөлмөр эрхлэлтийн хөтөлбөрт гарааны бизнес, ажлын туршлага эзэмшүүлэх асуудлыг тусгах” талаар илтгэж санал солилцлоо. Ажлын туршлага эзэмшүүлэх хөтөлбөрийн үндэслэл, зорилго нь 15-34 хүртэлх насны залуусын хөдөлмөр эрхлэлтийн ур чадварыг хөгжүүлэх, ажил олгогчдын эрэлт хэрэгцээг хангах, ажлын байранд бодит туршлага хуримтлуулах, мэргэжлийн болон практик ур чадвар эзэмшүүлэх зорилготой юм байна.
Зөвлөлдөх уулзалтын үеэр “Хөдөлмөр эрхлэлтийг дэмжих 2021-2022 оны хөтөлбөр”-т оруулах орон нутгаас ирсэн төслийн саналуудыг танилцуулж 21 аймаг 9 дүүргийн төлөөллүүд бүлэг болон ажиллав.
Тодруулбал, Хөдөлмөр эрхлэлтийн ур чадвар, Залуучуудын гарааны бизнес, Ажлын байрыг дэмжих хөтөлбөр, Малчдын хөдөлмөр эрхлэлт, Ахмадын хөдөлмөр эрхлэлтийн хөтөлбөрийн талаар санал бодлоо солилцож, хэлэлцүүлэг өрнүүлсэн юм.

 

 

 

 


Хэвлэх Share