Япон Улсад “Ур чадвартай ажилтан” илгээх хүлээн авах тогтолцоог хэрэгжүүлэх бүртгэлийн зар


Монгол Улс, Япон Улсын  хооронд байгуулсан оршин суух зөвшөөрөлтэй “Ур чадвартай” ажиллах хүчний тогтолцооны зохистой ажиллагааны үндсэн хүрээг хэрэгжүүлэх тухай санамж бичиг, Хөдөлмөр халамжийн үйлчилгээний ерөнхий газрын даргын А/23 тоот  тушаал “ЯПОН УЛСАД УР ЧАДВАРТАЙ АЖИЛТАН ИЛГЭЭХ ХҮЛЭЭН АВАХ ТОГТОЛЦООГ ЗОХИСТОЙ ХЭРЭГЖҮҮЛЭХ ТУХАЙ ЖУРАМ”-ын хүрээнд бүртгэлийн үйл ажиллагааг зохион байгуулна.

Дээрх журмын дагуу Хөдөлмөр халамжийн үйлчилгээний ерөнхий газарт дараах шалгуурыг хангасан иргэдийг 2020 оны 10 дугаар сарын 01-ний өдрөөс эхлэн ажлын өдрүүдэд 9:00-16:00 цагийн хооронд бүртгэх болсныг мэдэгдье.


Иргэн та дараах нөхцөлийг хангаж байгаа бол бүртгүүлэх боломжтой. 

  • Япон хэлний JLPT шалгалтын N4 ба түүнээс дээш түвшин эсвэл JFT шалгалтын A2 ба түүнээс дээш түвшингийн хэлний мэдлэгтэй;
  • “Ур чадвар үнэлэх шалгалт”-д тэнцсэн байх;
  • Япон Улсад “Ур чадварын дадлагажигч” хөтөлбөрт хамрагдан, “Ур чадварын дадлагажигч 2” гэрчилгээтэй ур чадварын дадлагажигч;

Бүрдүүлэх зүйлс /бичиг баримт эх хувиар/ :


  •  Иргэний үнэмлэх; 
  • Цээж зураг 4.5*4.5 хэмжээтэй 2 хувь; 
  • Гадаад паспорт(паспортын хүчинтэй хугацаа 1 жилээс доошгүй байх); 
  • Япон хэл, ур чадварын шалгалтад тэнцсэн тухай нотлох бичиг; 
  • Ажлын газрын тодорхойлолт/Урьд нь хөдөлмөр эрхлээгүй бол шаардлагагүй/; 
  • Япон Улсад дадлагажигчийн хөтөлбөрт хамрагдсан бол нотлох бичиг баримт /байхгүй бол шаардлагагүй/; 
  • Боловсролын гэрчилгээ /одоо сурч байгаа бол сургуулийн тодорхойлолт/ эсхүл диплом; 
  • Мэргэжлийн үнэмлэх / байхгүй бол шаардлагагүй/ ; 
  • Бүртгэлийн хураамж төлсөн баримт /Төрийн сан банк, ХХҮЕГ-ын үйл ажиллагааны нэмэлт санхүүжилтийн 100900017407 тоот дансанд хураамж болох 30000 төгрөгийг тушаасан гүйлгээний баримт/. 

Хураамж төлөхтэй холбоотой анхааруулга:

Гүйлгээний утга: ЯПОНД ИЛГЭЭХ гэж бичээд дундуур зураас татан нэр, регистрийн дугаарыг бичнэ.

Жишээ: ЯПОНД ИЛГЭЭХ-БАЯР РЖ78121212 гэх

Хураамж төлөхтэй холбоотой анхааруулга:

           

Гүйлгээний утга: ЯПОНД ИЛГЭЭХ гэж бичээд дундуур зураас татан нэр, регистрийн дугаарыг бичнэ.

Жишээ: ЯПОНД ИЛГЭЭХ-БАЯР РЖ78121212 гэх

АНХААРУУЛГА: Бүртгүүлэх үед амны хаалт зүүж үйлчлүүлэх, дотоод зохион байгуулалтыг мөрдөж бүртгүүлэх, Коронавирусийн халдвар хамгаалалтын нөхцөл байдал өөрчлөгдсөнөөс шалтгаалан бүртгэлийн үйл ажиллагааг гэнэт зогсоох, хойшлуулах эрсдэл байгааг тус тус анхаарна уу.
ХОЛБОГДОХ УТАС: 7013-6992

Хавсаргасан файл:


Хэвлэх Share