“ФҮҮД БАНК” ТӨСЛИЙН ТАНИЛЦУУЛАХ ӨДӨРЛӨГИЙГ ЗОХИОН БАЙГУУЛЛАА

“ФҮҮД БАНК” ТӨСЛИЙН ТАНИЛЦУУЛАХ ӨДӨРЛӨГИЙГ ЗОХИОН БАЙГУУЛЛАА

Хөдөлмөр, халамжийн үйлчилгээний ерөнхий газар болон Бүгд найрамдах Солонгос Улсын “Нийгмийн Халамжийн Үндэсний Зөвлөл”-ийн хооронд “Фүүд Банкны салбарт хамтран ажиллах тухай санамж бичиг”-ийг 2019 онд байгуулан хамтран ажиллаж байна.  

Фүүд банк (Food bank) гэдэг нь олон улсад хэрэгждэг халамжийн үйлчилгээний нэгэн төрөл бөгөөд иргэд, аж ахуйн нэгжээс хэрэгцээ болон борлуулалтаас илүү гарсан, түүнчлэн борлуулах боломжгүй боловч хэрэглэж болох эрүүл ахуйн шаардлага хангасан хүнсний болон ахуйн хэрэглээний барааг хандиваар авч тэдгээр барааны хэрэгцээ шаардлага байгаа иргэдэд түгээдэг үйлчилгээ юм.

Монгол улсад хэрэгжиж байгаа Фүүд банк төслийн талаар аж ахуйн нэгжүүдэд мэдээлэл өгөх, хамтран ажиллах хандивлагч байгууллага, аж ахуйн нэгжийг олж илрүүлэх зорилго бүхий “Фүүд банк төслийн танилцуулах өдөрлөг”-ийг 2020 оны 10 дугаар сарын 22-23-ны өдрүүдэд зохион байгууллаа. Тус өдөрлөгт Хөдөлмөр, халамжийн үйлчилгээний ерөнхий газар, нийслэлийн төвийн 6 дүүргийн Хөдөлмөр, халамжийн үйлчилгээний хэлтсийн дарга, мэргэжилтнүүд болон манай улсын хүнс үйлдвэрлэгчдийн томоохон төлөөлөл болох Өгөөж чихэр боов ХХК, Атар өргөө ХХК, АПУ ХХК, Тэнгэх ХХК, Оргил хүнс ХХК, Номин холдинг ХХК, Монос хүнс ХХК, Жем интернэшнл ХХК, Мах маркет ХХК, Стимо ХХК,  Мон-сүү ХХК, Хүнс комплекс ХХК, Жүр үр ХХК зэрэг нийт 42 аж ахуйн нэгжийн төлөөлөл оролцлоо.


Хэвлэх Share