АЖЛЫН БАЙРНЫ СЭТГЭЛ ЗҮЙН СУРГАЛТ ЗОХИОН БАЙГУУЛАВ

 

Хөдөлмөр, халамжийн үйлчилгээний ерөнхий газар ажилтнуудын дунд ажлын байрны сэтгэл зүйн эерэг хандлага бий болгох, таагүй уур амьсгалаас урьдчилан сэргийлэх аргад суралцах, байгууллагын соёл, харилцааны ур чадварыг бэхжүүлж, албан хаагчдыг чадавхжуулах зорилгоор АЖЛЫН БАЙРНЫ СЭТГЭЛ ЗҮЙН СУРГАЛТ зохион байгууллаа.
Сургалтыг АХШХГ-ын Гадаадад ажиллах хүч гаргах хэлтэс санаачлан Сэтгэл судлалын үндэсний төвтэй хамтран зохион байгуулж, байгууллагын албан хаагчид идэвхтэй оролцсон юм.
ССҮТ-ийн захирал, сэтгэл судлаач Б.Ууганцэцэг, сэтгэл судлаач Б.Энхлэн нар Стрессээ зохицуулахуй, Уур бухимдлаа удирдахуй, Ажлын байрны сэтгэл зүй гэсэн сэдвийн хүрээнд сонирхолтой мэдээлэл хийж, шинжлэх ухаанд тулгуурласан арга зүйгээр ойлголт мэдлэг олголоо.

 

 


Хэвлэх Share