ДАРХЛАА ДЭМЖИХ АМИН ДЭМ ГАРДУУЛЛАА

 

Хөдөлмөр, халамжийн үйлчилгээний ерөнхий газар Олон Улсын хүүхдийн эрхийг хамгаалах өдөр Сонгинохайрхан дүүргийн хүүхдийн асрамж халамжийн 2 төвийн хүүхдүүдэд дархлаа, өсөлт хөгжлийг дэмжих Цереброфот голд витамин гардууллаа. Энэхүү витамин нь “Монфа трейд” ХХК нийгмийн хариуцлагынхаа хүрээнд хандивласан 500 ширхэг витамины нэг хэсэг юм.
Витаминыг ХХҮЕГ-ын Халамжийн үйлчилгээний хэлтсийн дарга А.Чимэгсүрэн гардуулж, “Бүх төрлийн аминдэм, эрдэс бодис агуулсан энэ витамин хүүхдийн тархины хөгжлийг сайжруулан, дархлааг дэмжих олон найрлагатай болохыг хандивлагч байгууллага тайлбарласан. Хүүхдийн эрүүл мэнд хамгийн чухал. Тэдний төлөө сэтгэл гарган нийгмийн хариуцлагаа ухамсарлан витамин амин дэм хандивласан Монфа Трейд компанийн хамт олны өмнөөс эрүүл энхийг хүсье” гэлээ.
“Эрдэм” төвийн эрхлэгч А.Өнөр, “Манай хүүхдүүд урт хугацаанд онлайнаар хичээлээ үзэж, маш их ачаалал авсан. Цар тахлын хүнд үед хүүхдүүдийн дархлааг дэмжих витамин өгч байгаа нь цаг үеээ олсон том дэмжлэг боллоо” гээд талархал илэрхийллээ.

 

 


Хэвлэх Share