ХХҮЕГ, Буриад Улсын Хүн амын нийгмийн хамгааллын яамтай “Ахмад настнуудыг харилцан сувилуулах” хамтын ажиллагааны гэрээ үзэглэлээ

          Хөдөлмөр, халамжийн үйлчилгээний ерөнхий газрын дарга ноён Б.Нямдаваа, ОХУ-ын Буриад улсын Хүн ам, нийгмийн хамгааллын сайд хатагтай Т.А.Быковатай уулзаж ахмад настнуудыг харилцан солилцож сувилуулах хамтын ажиллагааны гэрээ үзэглэлээ.

          Уг гэрээ нь 2011, 2015 онуудад хийгдэж, амжилттай хэрэгжиж байсан бөгөөд хоёр улсын хооронд Монгол талаас 100, Буриадын талаас мөн 100 ахмад настныг эмчилгээ сувилгаа үзүүлэх үйлчилгээнд хамруулж байсан юм.

         Хамтын ажиллагааг сэргээж буйн хувьд ажлын туршлага солилцох, хүн амын нийгмийн хамгааллын хүрээнд ахмад настны төлөөллийг амралт, сувилалын болон сэргээн засах байгууллагад харилцан  солилцох, эмчлэн сувилж, дэмжлэг үзүүлэх, салбарынхаа харьяа байгууллагуудын хооронд онол-практикийн бага хурал, семинар зохион байгуулах, мэргэжилтнүүдийг харилцан дадлагажуулах, мэргэжил дээшлүүлэх богино хугацааны сургалт зохион байгуулах зэрэг олон талт үйл ажиллагаа өрнүүлэхээр санал солилцсон үр дүнтэй уулзалт болж өндөрллөө.

        Хамтын ажиллагааны гэрээний хүрээнд хоёр улсын хооронд ахмад настны харилцан солилцож сувилах үйлчилгээг энэ оны 5 дугаар сарын 28-нд эхлэх бөгөөд Буриад улсын Хүн ам, нийгмийн хамгааллын сайд ажлын хэсгийн хамт Хөдөлмөр, халамжийн үйлчилгээний ерөнхий газартай гэрээ ахмадын зориулалттай амралт, сувиллын газруудтай танилцлаа.  

 

 

 

  • ХХҮЕГ, Буриад Улсын Хүн амын нийгмийн хамгааллын яамтай “Ахмад настнуудыг харилцан сувилуулах” хамтын ажиллагааны гэрээ үзэглэлээ

  • ХХҮЕГ, Буриад Улсын Хүн амын нийгмийн хамгааллын яамтай “Ахмад настнуудыг харилцан сувилуулах” хамтын ажиллагааны гэрээ үзэглэлээ

  • ХХҮЕГ, Буриад Улсын Хүн амын нийгмийн хамгааллын яамтай “Ахмад настнуудыг харилцан сувилуулах” хамтын ажиллагааны гэрээ үзэглэлээ

  • ХХҮЕГ, Буриад Улсын Хүн амын нийгмийн хамгааллын яамтай “Ахмад настнуудыг харилцан сувилуулах” хамтын ажиллагааны гэрээ үзэглэлээ


Хэвлэх Share