“Дэлхийн ирээдүйн ажлын төлөөх болон ТМБС-ын талаарх ур чадвар” сэдэвт бага хуралд оролцлоо

2017 оны 07 дугаар сарын 24- 29-ний өдрүүдэд Бангладеш улсын нийслэл Дакка хотноо "Дэлхийн ирээдүйн ажлын төлөөх ур чадвар ба ТМБС-ын талаарх ур чадвар" сэдэвт олон улсын бага хурлыг зохион байгуулагдлаа. Бүгд Найрамдах Бангладеш Улсын Засгийн газар хурлыг сайшаан дэмжсэн бөгөөд Ерөнхий сайд Шейх Хасина нээлтийн үйл ажиллагаанд оролцож  илтгэл тавьсан.

Энэхүү бага хурлын ерөнхий зорилго нь гишүүн орнуудын туршлага, судалгааны үр дүн, шинэлэг санаачилгыг солилцох явдлыг хөхиүлэн дэмжих зорилготой ТМБС-ын сүлжээг бий болгохыг эрмэлзэж байгаа бөгөөд  бодлого боловсруулагчид, судлаачид, мэргэжилтнүүд, боловсрол судлаачид, бизнес эрхлэгчид, шинийг санаачлагчид, ажил олгогчдын төлөөллийг оролцуулж  илтгэл тавьж хэлэлцүүллээ. 

Хурлын ерөнхий ивээн тэтгэгч  Ази, Номхон далайн бүсийн орнуудын хүний нөөцийн хөгжлийн Засгийн газар хоорондын байгууллага(СPSС) байсан бөгөөд мөн Бангладешийн Боловсролын яам, Үндэсний чадавхийг хөгжүүлэх зөвлөлийн нарийн бичгийн дарга нарын газар, (NSDCS)  Олон Улсын Хөдөлмөрийн Байгууллага (ОУХБ), Дакка, Техникийн Боловсролын Дээд Сургууль, Бангладешийн Техникийн Боловсролын Зөвлөл (BTEB) нь зэрэг байгууллагууд хамтран зохион байгуулсан.

Уг арга хэмжээний хүрээнд үндсэн 8 салбар хуралдаан болж үндсэн илтгэлүүд хэлэлцсэн бөгөөд түүний хүрээнд хурлын төлөөлөгч орнуудын 30 гаруй илтгэл тавигдаж туршлага солилцсон. Үүнд МББХГ-ын мэргэжилтэн Ж.Цэцэгжаргал оролцож “MONGOLIAN TVET-2017 ” сэдэвт илтгэлийг тавилаа.

Мөн хурлын үеэр СPSС  байгууллагын гишүүн орнуудын төлөөлөгчдийн хүрээнд “ТМБС-ыг дэлхийн өрсөлдөх чадварыг хөгжүүлэх”нь сэдэвт 2 өдрийн сургалт зохион байгуулагдсан.

Хурлыг дүгнэж  олон туршлага судалсан шинэ санаа дэвшүүлсэн үр дүнтэй хурал боллоо гэж үзээд цаашид ТБМБ-ыг дэлхийд өрсөлдөх хэмжээнд анхаарч ажиллахад та бидний хамтын ажиллагаа хамгаас чухал юм гэж онцлон тэмдэглэсэн байна. 

 

  • “Дэлхийн ирээдүйн ажлын төлөөх болон ТМБС-ын талаарх ур чадвар” сэдэвт бага хурал

  • “Дэлхийн ирээдүйн ажлын төлөөх болон ТМБС-ын талаарх ур чадвар” сэдэвт бага хурал

  • “Дэлхийн ирээдүйн ажлын төлөөх болон ТМБС-ын талаарх ур чадвар” сэдэвт бага хурал


Хэвлэх Share