Тендерийн урилга

ТЕНДЕРИЙН УРИЛГА

 

ТЕНДЕРИЙН УРИЛГА – АХМАД МЭРГЭЖИЛТНИЙ ЗӨВЛӨХ ҮЙЛЧИЛГЭЭГ ЗОХИОН БАЙГУУЛАХ ТӨРИЙН БУС БАЙГУУЛЛАГУУДЫГ сонгон шалгаруулах

 

Огноо:2017.08.29

 

Тендер шалгаруулалтын дугаар:  НХҮЕГ/201703005

 

Хөдөлмөр, халамжийн үйлчилгээний ерөнхий газар нь улсын хэмжээнд хөдөлмөр эрхлэлтийг дэмжих, мэргэжлийн боловсрол, нийгмийн халамжийн үйл ажиллагааг зохион байгуулах,  төрийн үйлчилгээг хуулийн дагуу үйлчлүүлэгчдэд ээлтэй, хариуцлагатай, мэргэжлийн түвшинд үзүүлэх зорилготой байгууллага юм.

Хөдөлмөр, халамжийн үйлчилгээний ерөнхий газар нь “Ахмад мэргэжилтний зөвлөх үйлчилгээг зохион байгуулах” төрийн бус байгууллагуудыг сонгон шалгаруулах дэлгэрэнгүй жагсаалтад мэдүүлгээ ирүүлэхийг урьж байна.

Тендерийн урилгад заасан материалуудыг хүлээн авах эцсийн хугацаанаас өмнө битүүмжлэн ирүүлнэ.

 

Дэлгэрэнгүй жагсаалтад материал ирүүлэх байгууллагуудад тавигдах ерөнхий шаардлага:

-       Улсын хэмжээнд ахмад настны эрх ашгийг хамгаалах чиглэлээр тогтвортой үйл ажиллагаа явуулдаг тухайн зөвлөх үйлчилгээний төслийг хэрэгжүүлэх мэргэжил, арга зүйн зөвлөгөө, зөвлөмж үзүүлэх мэргэжлийн өндөр ур чадвартай баг, бүрэлдэхүүнтэй байгууллага байна.

-       Нийгэм, эдийн засгийн тодорхой салбар (боловсрол, эрүүл мэнд, хөдөө аж ахуй, төрийн захиргаа), мэргэжлийн чиглэлээр ахмад настны эх ашгийг хамгаалах үйл ажиллагаа явуулдаг төрийн бус байгууллага байх бөгөөд 3 ба түүнээс дээш тэтгэвэр авагч ахмад мэргэжилтэнтэй баг бүрэлдэхүүн байна.

 

Бүрдүүлэх материал:

  1. Төсөл хэрэгжүүлэгч байгууллагын албан хүсэлт;
  2. Байгууллагын танилцуулга, сургалт зохион байгуулах анги, танхим болон техник хэрэгсэлийн жагсаалт, зураг;
  3. Улсын бүртгэлийн гэрчилгээг нотариатоор баталгаажуулсан хуулбар; /Ахмад настны эрх ашгийг хамгаалах үйл ажиллагааны чиглэлтэй байна./
  4. Татвар, шүүхийн шийдвэр гүйцэтгэх газрын тодорхойлолт;
  5. Харилцагч банкны тодорхойлолт;
  6. 2016 оны санхүүгийн тайлан;
  7. Сүүлийн 1 жилийн хугацаанд хийж гүйцэтгэсэн ажлын жагсаалт;
  8. Сүүлийн 1 жилийн хугацаанд хийж гүйцэтгэсэн ажлуудад ажилласан ахмад мэргэжилтний оролцоо, тоо;
  9. Ахмад мэргэжилтний зөвлөх үйлчилгээг гүйцэтгэх ажлын нарийвчилсан төлөвлөгөө, сургалтын хөтөлбөр;
  10. Төслийн хүрээнд түр ажлын байртай болох ахмад мэргэжилтний тоо;
  11. Зөвлөх үйлчилгээг гүйцэтгэх ахмад мэргэжилтний багийн гишүүдийн товч намтар, мэргэжлийн дипломын хуулбар, тэтгэврийн дэвтрийн хуулбар;
  12. Зөвлөх үйлчилгээг гүйцэтгэх ахмад мэргэжилтнүүдийн ажлын туршлагын дэлгэрэнгүй мэдээлэл ирүүлэх;

Дэлгэрэнгүй жагсаалтад ирүүлэх мэдүүлгийг 2017 оны 09 дүгээр сарын 07-ны өдрийн /Пүрэв гариг/ 17.00 цагаас өмнө доорх хаягаар ирүүлнэ үү.

Дээрх материалуудыг бүрэн гүйцэд ирүүлэх бөгөөд зөвхөн шаардлага хангасан байгууллагуудыг хураангуй жагсаалтад оруулна.

 

 

Дэлгэрэнгүй мэдээллийг дор дурдсан хаягаар хандан авч болно.

Хөдөлмөр, халамжийн үйлчилгээний ерөнхий газар

Улаанбаатар хот. Хан-Уул дүүрэг, 2-р хороо,  Чингисийн өргөн чөлөө

www.hudulmur-halamj.gov.mn

2-р давхар, 206 тоот өрөө, мэргэжилтэн Н.Алтансувд

                                                                  Утас: 77121280

 


Хэвлэх Share