Иргэдийг залилан мэхэлж байсныг илрүүлэн шалгаж байна

Иргэдийг залилан мэхэлж байсныг илрүүлэн шалгаж байна

Ерөнхий газрын зүгээс  БНСУ руу Хөдөлмөрийн гэрээгээр ажиллах хүч илгээх  үйл явцын талаар байгууллагын цахим хуудас, хэвлэл мэдээллийн боломжит сувгаар иргэдэд тогтмол мэдээлэл, сэрэмжлүүлэг өгч буй ч гадуур манай байгууллага, ажилтнуудын нэр хүндэд халдах, иргэдийг залилан мэхлэх гэмт хэргийн шинжтэй үйлдлүүд тасрахгүй байсны нэг нь 2018 оны 5 дугаарын 8-ны өдрөөс  эхлэн иргэдээс  “Танай байгууллагад ажилладаг Саруул гэдэг хүн өнөөдөр ХХҮЕГ-ын 2 давхарт ирээд ажлын саналаа аваарай гэж 99622892, 99692892 дугаарын утаснаас  хэллээ” гэж олноороо  ирж байлаа.

   Дээрх  иргэдийн гомдлыг ЦЕГ-т уламжилсны дагуу тус газраас шалгаад Саруул болон Б.Болормаа, М.Пунсалдулам нарыг холбогдуулан шалгахад эдгээр иргэд нь “БНСУ-д гэрээгээр ажиллах виз гаргаж өгнө” гэж иргэдийг удаа дараа залилан мэхэлсэн үйлдэлд БГД, БЗД-ийн ЦХ-1-д шалгалтын ажиллагаа явагдаж эхэлснийг бидэнд мэдэгдээд байна.

Иймд, иргэд  олон нийтийн цахим сүлжээнд СХТТШ өгч байгаа иргэдийг залилан мэхлэх зорилгоор  ”СХТТШ-д тэнцүүлж өгнө. Миний ах, эгч, дүү, найз  ХХҮЕГ-т, ХНХЯ-д ажилладаг, Солонгосын Хөдөлмөрийн биржээс татуулна, Хөдөлмөрийн гэрээгээр виз авахад найдвартай туслана, ажлын байрны санал хурдан хугацаанд авч өгнө”  зэрэг мэдээллүүд сошиал сувгуудаар  явагдаж, зуучлалын хөлс авч байна.

Дээрх байдлаар иргэдээс итгүүлэн үнэмшүүлж хууль бусаар их хэмжээний мөнгө авч байгааг дахин дахин СЭРЭМЖЛҮҮЛЖ БАЙНА.

Цаашид ч энэ төрлийн  гэмт хэргээс  урьдчилан сэргийлэх чиглэлээр ЦЕГ-ын харъяа байгууллагууд болон иргэд Та бүхэнтэй байнга хамтран ажиллаж байх болно. 

Мэдээлэл авах утас:11347272, 77121285

 

ТА, сонор сэрэмжтэй байхаас гадна таны таньдаг хүмүүс энэ төрлийн гэмт хэргийн хохирогч болж болзошгүй тул харьяа дүүргийн цагдаагийн газар, хэлтэст хандан тодорхой эзэн холбогдогчийн нэр, холбоо барих утас, дансны мэдээлэл зэргийг бүрдүүлэн гомдол өргөдөл гаргах боломжтой гэдгийг дахин  зөвлөж байна. 

 

АЖИЛЛАХ ХҮЧНИЙ ШИЛЖИЛТ ХӨДӨЛГӨӨНИЙ ХЭЛТЭС


Хэвлэх Share