ХХҮЕГ-ын дарга Б.НЯМДАВАА БНСУ-д хөдөлмөрийн гэрээгээр ажиллах хүсэлтэй иргэдийн ур чадварын шалгалтын явцтай танилцлаа

ХХҮЕГ-ын дарга Б.НЯМДАВАА БНСУ-д хөдөлмөрийн гэрээгээр ажиллах хүсэлтэй иргэдийн ур чадварын шалгалтын явцтай танилцлаа


Хөдөлмөр, халамжийн үйлчилгээний ерөнхий газар нь Монгол Улсын Хөдөлмөр, нийгмийн хамгааллын яам, БНСУ-ын Хөдөлмөр эрхлэлт, хөдөлмөрийн яам хоорондын “Хөдөлмөр эрхлэх зөвшөөрөл олгох тогтолцоо”-ны дагуу ажилтан илгээх болон хүлээн авах тухай “ХАРИЛЦАН ОЙЛГОЛЦЛЫН САНАМЖ БИЧИГ”-ийн хүрээнд ажиллаж байгаа билээ.

2019 онд БНСУ-д Хөдөлмөрийн гэрээгээр ажиллах хүсэлтэй бүртгүүлсэн 6,766 иргэдээс Солонгос хэлний түвшин тогтоох шалгалтад 95 буюу түүнээс дээш оноо авсан 1,296 иргэн 6 дугаар сарын 27-30-ны өдрүүдэд Ур чадварын шалгалтад биеийн хүч, ярилцлага, суурь чадвар гэсэн гурван төрлөөр хамрагдаж байна.

ХХҮЕГ-ын дарга Б.Нямдаваа Ур чадварын шалгалтад оролцогч нийт иргэдэд амжилт хүсэн шалгалтын явцтай биечлэн танилцав. Түүнчлэн 2018 оноос эхлэн Монгол Улсад Сонгон шалгаруулах онооны тогтолцоо хэрэгжиж эхэлсэнтэй холбогдуулан өнгөний харалган илрүүлэх тестийг бүртгэлийн үеэр, мөн ур чадварын шалгалтын үеэр авдаг болсон нь иргэдийг үйлдвэрийн осолд орох гэх зэрэг эрсдлээс урьдчилсан сэргийлэх сайн талтайг онцоллоо.

БНСУ-ын Аж үйлдвэрийн хүний нөөцийн хэрэг эрхлэх газрын дарга Юүн Ван Соб, Солонгос Улсаас хүрэлцэн ирсэн шалгалт авах комиссын баг Ур чадварын шалгалтын бэлтгэл ажлыг өндөр түвшинд хангуулан ажилласанд ХХҮЕГ-ын дарга Б.Нямдаваад талархал илэрхийлэв. Цаашид бүртгэлийн үеэр хэрэгжүүлдэг өнгөний харалган илрүүлэх тестийг улам чанаржуулах шаардлагатай гэв.

 

ГАДААДАД АЖИЛЛАХ ХҮЧ ГАРГАХ ХЭЛТЭС


Хэвлэх Share